Dëshira për të parë skuadrën e zemrës i ka marrë jetën rreth 30 personave në Calabar të Nigerisë.

Sportdashësit që janë identifikuar si mbështetës të Manchester United ishin mbledhur për të parë ekipin e Mourinho-s në sfidën e mbrëmshme që djajtë luajtën kundër Anderlect për “Uefa Europa League”, raporton “The Sun”.
2965d18658f9e7d2ee909930b996c4f5
Ata kanë humbur jetën teksa kabulli elektrik i shkëputur nga transformatori i cili shpërtheu dy herë ra mbi godinën ku tifozët e United mblidheshin për të parë ekipin e tyre.

Zyrtarët e policisë në Nigeri thonë se 7 persona vdiqën menjëherë, por numri i tyre mendohet të jetë shumë më i lartë pasi mjaft të dëmtuar rëndë u dërguan në spital.

Banorët rezidentë konfirmojnë dyshimet e policisë të cilët shprehen se numri i të vdekurve është shumë më i lartë, mbi 20. Ndërsa theksojnë se të pranishëm ishin rreth 80 persona.

manchester united
Për tragjedinë, klubi i Manchesterit ka dashur të ngushëllojë të afërmit me një status në Twitter: “Mendimet tona shkojnë për tifozët e bashkuar të Manchester United, miqtë dhe familjarët e tyre të tragjedisë në Calabar, Nigeri”, thuhej në reagimin zyrtar të klubit.

(e.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb