SHBA

Lojtari legjendar i NBA-së Kobe Bryant ka vdekur nga një aksident me helikopter në Kaliforni, SHBA, këtë të diel. Ai ishte 41 vjeç.

Bryant ishte mes të paktën katër personave që udhëtonin në helikopterin e tij privat mbi Calabasas kur shpërtheu një zjarr, duke shkatërruar thuajse gjithë helikopterin. Përplasja ndodhi rreth orës 10 të mëngjesit në orën lokale, në kushtet e mjegullës në kodrat me pamje nga Calabasas, shkruan Los Angelos Times.

Nga aksidenti nuk ka persona të mbijetuar dhe po hetohet për shkaqet që çuan në këtë tragjedi. Autoritetet që po hetojnë përplasjen konfirmuan për KTLA – Channel 5 se të paktën pesë njerëz vdiqën nga përplasja, por nuk i identifikuan viktimat me emër. Gruaja e Bryant, Vanessa, fatmirësisht nuk ndodhej me Bryant.

Bryant luajti për dy dekada me Los Angeles Lakers, duke fituar pesë kampionate dhe duke luajtur 18 herë në ligën e yjeve para se të varte këpucët pas sezonit 2016. Bryant mbahet mend si ndër legjendat e basketbollit.

(d.xh/ balkanweb)