Romelu Lukaku u rikthye në verë në formën e huazimit te Interi. Shkak u bë marrëdhënia jo e mirë me trajnerin asokohe të Chelseat, Tomas Tuchel.Gjithsesi, tashmë blutë e Londrës tashmë kanë tjetër teknik në stol. Daily Mail bën me dije se “timonieri” i ri i Chelseat, Graham Potter e dëshiron në skuadër sulmuesin Lukaku.

Ky është një lajm i keq për ekipin nga Milano. Nëse e vërteta është kështu siç thotë prestigjozja britanike, zikaltërit janë të detyruar të kthejnë në Londër në fundin e sezonit lojtarit.

(BalkanWeb)