Dy persona kanë rënë në pranga nga policia e Gjirokastrës për transportim të emigrantëve të paligjshëm.

Përkatësisht kanë rënë në pranga 20-vjeçari  K.R., dhe 22-vjeçari K.B.

Uniformat blu bëjnë me dije se të rinjtë u arrestuan në vendin e quajtur “Ura e Lumit”, Gjirokastër,  duke transportuar me automjetin tip “Ford” tre emigrantë të paligjshëm nga vendet e treta, në drejtim të Tiranës, kundrejt fitimit.

Ndërsa në cilësinë e provës materiale u sekuestruan një automjet dhe dy aparate celular.

Gjirokastër –Goditet një tjetër rast i  dhënies ndihmë për kalim të paligjshëm të kufirit, kundrejt fitimit.

Vihen në pranga dy shtetas, që u kapën duke transportuar emigrantë të paligjshëm, kundrejt fitimit.

Sekuestrohen një automjet dhe dy aparate celular.

Nga specialistët e Seksionit për Trafiqet e Paligjshme në DVP Gjirokastër, pas informacioneve të siguruara në rrugë operative u arrestuan në flagrancë shtetasit K. R, 20 vjeç, banues në Tiranë dhe K. B., 22  vjeç, banues në Dibër.

Shtetasit K. R. dhe K. B., u kapën në vendin e quajtur “Ura e Lumit”, Gjirokastër,  duke transportuar me automjetin tip “Ford” tre emigrantë të paligjshëm nga vendet e treta, në drejtim të Tiranës, kundrejt fitimit.

Në cilësinë e provës materiale u sekuestruan një automjet dhe dy aparate celular.

Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.

(BalkanWeb)