Marine Le Pen u përpoq të distancohej nga e kaluara e ekstremit të djathtë të babait të saj, pasi presidenti Macron akuzoi për planifikimin e ‘rrëmbimit’ të kushtetutës.

Të dy kandidatët po përpiqen të tërheqin shtatë milionë votuesit e krahut të majtë që mbështetën Jean-Luc Mélenchon.

Le Pen, e cila në sondazhe është rreth dhjetë pikë pas Macron, e kaloi ditën në mbrojtje ndaj planeve të saj radikale për të ndaluar hixhabin dhe për të ndaluar aksesin e të huajve në strehim, përfitime dhe kujdes shëndetësor, shkruan The Times.

Nga ana tjetër Macron, e cila mundi Le Pen me katër pikë në raundin e parë me 12 kandidatë, thotë se këto politika janë një trashëgimi e Ballit Kombëtar të babait të saj Jean-Marie Le Pen.

Por Le Peen është shprehur se mes tyre ka shumë dallime, duke kundërshtuar në këtë mënyrë edhe deklaratën e Macron .

“Dua t’ju them se ka një mijë dallime midis tij dhe meje,” tha Le Pen për babain e saj 93-vjeçar.

“Ai ishte kryetar i një lëvizjeje opozitare. Unë kam kaluar dhjetë vjet si udhëheqëse e një lëvizjeje të qeverisë të ardhshme”, tha ajo, transmeton BalkanWeb.

Le Pen gjithashtu është shprehur se zotimi i saj, që ka të bëjë me një ndryshim kushtetues të premtuar prej kohësh nga babai i saj për t’u dhënë përparësi shtetasve francezë mbi shtetasit e huaj, ishte një zotim logjik dhe popullor.

Banorët e huaj në Francë, përfshirë emigrantët dhe qytetarët e BE-së, nuk kanë pse të frikësohen nga unë. Njerëzit në territorin tonë që u binden ligjeve tona dhe respektojnë vlerat tona … nuk rrezikohen nga politikat e mia. Ata mund të qëndrojnë në Francë”., ka thënë ajo.

Le Pen ka shpjeguar se planet e saj për të mohuar strehimin dhe përfitimet e mirëqenies së këshillit për shtetasit e huaj nuk do të zbatohen në mënyrë retroaktive, por në të ardhmen, “kur një shtëpi e këshillit të mbetet bosh, ajo do t’u jepet fillimisht francezëve”.

Le Pen, e cila po përpiqet të mbajë vëmendjen e përqendruar në premtimet e saj për të rritur të ardhurat për klasën punëtore, foli me tona më të buta lidhur me premtimin e saj të mëparshëm për të ndaluar gratë muslimane të mbulojnë kokën.

“Ligji do të futet gradualisht dhe vetëm pas debatit parlamentar”, tha ajo.

Ndërkohë Macron ka deklaruar se të gjitha pikat e prezantuara nga Le Pen janë në shkelje me Kushtetutën.

“Të gjitha planet e saj do të shkelin kushtetutën ekzistuese. Ajo beson se është mbi kushtetutën pasi mund të vendosë të mos e respektojë atë duke ndryshuar rregullat”., ka thënë Macron.

Ai krahasoi planet e Le Pen me veprimet e kryeministrit hungarez, Viktor Orban, një nga heronjtë e Le Pen.

“Të tjerët e bëjnë këtë në vende të tjera. Është bërë shumë mirë në Hungari. Kjo ju lejon të ndryshoni regjimet me dorë”, tha ai.

Le Pen gjithashtu reagoi sërish duke ndryshuar në njëfarë mënyrë deklaratën për mbështetjen e saj për Presidentin Putin .

Ndërsa dënon pushtimin rus, ajo nuk e ka fajësuar atë për luftën.

“Kur Ukraina sulmohet, sigurisht që unë jam në anën e Ukrainës në të njëjtën mënyrë si kur amerikanët sulmuan Irakun, unë isha në anën e Irakut”, tha ajo.

Sondazhet e fundit e vendosin Macron në mes 53 dhe 55.5 për qind kundrejt 44.5 deri 47 për qind për Le Pen.

Marzhi është i vogël krahasuar me humbjen 66-34 për qind që ai i shkaktoi asaj në 2017.

Humbja e Le Pen pasoi një performancë katastrofike në debatin e saj të fundit me Macron.

(BalkanWeb)