TIRANE– Historia e rock-ut shqiptar nuk mund të konceptohet pa zërin, stilin dhe talentin e tre legjendave të muzikës moderne shqiptare. Aleksandër Gjoka, Redon Makashi dhe Elton Deda rikthehen më 4 Tetor në Amfiteatrin e Tiranës për të risjellë këngët hit të tyre, në një mbrëmje plot emocione e adrenalinë.
Kryetari i Bashkisë së Tiranës Erion Veliaj ka shprehur entuziazmin e tij duke u shprehur se, “këtë herë, ‘Tre Musketjerët’ këndojnë atje ku nisi gjithçka! Legjendat kthehen tek Amfiteatri i Liqenit. Qindra emocione e këngë që frymëzuan breza na presin më 4 Tetor”.
Të gjithë adhuruesit e muzikës së tyre do shijojnë nën shoqërinë e njëri-tjetrit tingujt live të rock-ut, pasi repertori i koncertit do të jetë i larmishëm.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
