Gjatë 24 orëve të fundit tre drejtues mjetesh kanë përfunduar në pranga në Fier e Lushnje. Dy prej tyre janë kapur të dehur në timon, ndërsa një tjetër është arrestuar pasi ka aksidentuar një të moshuar.

NJOFTIMI I PLOTE
Specialistët e Sektorit të Qarkullimit Rrugor në DVP Fier, arrestuan në flagrancë shtetasit:

•H. Sh., 52 vjeç, banues në Fier.
Arrestimi i këtij shtetasi u bë pasi në lagjen “Kastriot”, Fier, u kap duke drejtuar në gjendje të dehur mjetin tip “Toyota”.

•K. L., 31 vjeç, banues në Lushnje.
Arrestimi i këtij shtetasi u bë pasi u kap në qytetin e Divjakës duke drejtuar në gjendje të dehur mjetin tip “Ford”.

•F. T., 46 vjeç, banues në Fier.
Arrestimi i këtij shtetasi u bë pasi ditën e djeshme, në fshatin Frrakull e Madhe, Fier, duke drejtuar mjetin tip “Ford” ka aksidentaur shtetasen S. Ç., 77 vjeçe, e cila ndodhet në spital në Tiranë nën kujdesin e mjekëve.

Materialet e kaluan Prokurorisë pranë Gjykatës së Shkallës së Parë Fier për veprime të mëtejshme proceduriale.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb