Një person i cili pa dijeninë e tij shiti një NFT Bored Ape për një shumë të papërfillshme paditi OpenSea duke thënë se platforma kishte dijeni për një problem të saj ku hakerët mund të blinin NFT të palistuara për një vlerë shumë të vogël.

Timothy McKimmy thotë se ai nuk e listoi fare NFT-në e tij Bored Ape për shitje, por një haker kishte arritur ta blinte për vetëm 0.01 ETH ose 26 dollarë dhe ta shesë për 88 ETH ose 250 mijë dollarë.

Ape është një prej 10 mijë NFT-ve të edicionit të limituar Bored Ape Yatch Club. McKimmy thotë se NFT-ja e tij është edhe më e rrallë se ajo që Justin Biber bleu për 1.3 milionë dollarë.

Kështu ai kërkon dëmshpërblim prej 1 milion dollarë ose rikthimin e NFT-s. Më shqetësues është fakti se ai pretendon që OpenSea kishte dijeni për problemin dhe nuk kishte ndaluar tregtimin.

McKimmy ishte viktimë e një problemi në OpenSea që shikoi përdoruesit të humbasin 1.8 milionë dollarë në NFT. Sipas Decrypt, OpenSea kishte tentuar të arrinte një marrëveshje me viktimat duke ju ofruar një shumë më të ulët sesa NFT-të e tyre vlenin në të vërtetë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb