Policia ka shoqëruar 10 persona të dyshuar në lidhje me tritolin që iu vu në banesë efektivit të policisë në Rinas. Rreth orës 21.30 të mbrëmjes së djeshme, një sasi e vogël eksplozivi u vendos në banesën e Arben Kajmakut në Fushë-Prezë, ku si pasojë e shpërthimit u dëmtua bordura prej betoni.

Sipas policisë, nuk ishte hera e parë që u kërcënua efekti i Rinasit, pasi edhe me datë 25 nëntor të këtij viti, i vunë lëndë eksplozive në oborr ku u thyen vetëm disa xhama. Vetë 43-vjeçari mohon të ketë probleme në lidhje me punën ose probleme të tjera.

Policia dyshon për konflikt pronash pasi vjehrri i policit është në konflikt pronësie me disa persona dhe në këtë konflikt dyshohet të jetë përfshirë dhe Arben Kajmaku.

 (e.f/BalkanWeb)