Në më pak se një javë para se kanadezët të hedhin votat e tyre në një garë të ngushtë zgjedhore federale duke vënë përballë Partinë Liberale të Kryeministrit Justin Trudeau kundër konservatorëve të kryesuar nga Erin O’Toole, shifrat e fundit mbi inflacionin e Kanadasë janë shqetësuese.
Çmimet e konsumit në gusht u rritën me 4.1 përqind në të njëjtën periudhë të vitit të kaluar. Ky ritëm i rritjes së çmimeve, i cili është shumë mbi normën e synuar të Bankës së Kanadasë prej 2 përqind, ishte më e fortë se sa prisnin shumë analistë dhe shënoi normën më të lartë vjetore të inflacionit që nga marsi 2003.
Inflacioni godet familjet më pak të pasura më së shumti sepse ha një pjesë më të madhe të të ardhurave të tyre, veçanërisht kur çmimet rriten për mallrat dhe shërbimet thelbësore që nuk mund të blihen më vonë-si ushqimi, karburanti dhe strehimi.
Inflacioni muajin e kaluar u nxit kryesisht nga çmimet e benzinës dhe shtëpive. Çmimet e benzinës u rritën gati 32.5 përqind, ndërsa indeksi i kostos së zëvendësimit të shtëpisë, i cili reflekton rritjen e çmimeve për shtëpitë e reja, u rrit me 14.3 përqind në gusht gjatë dymbëdhjetë muajve të fundit.
(BalkanWeb)
