Megjithëse një traditë e gjatë, Presidenti Donald Trump do të kapërcejë inaugurimin e Presidentit të zgjedhur Joe Biden dhe tashmë është nisur drejt Floridas.

Trump doli nga Shtëpia e Bardhë për herë të fundit si President i SHBA-ve dhe bashkë me zonjën e parë Melania Trump hipën në helikopterin “Marine One” për të shkuar në bazën ushtarake “Andrews” për të shkuar më pas në Florida. Pak para se të hipnin në bord, ata u ndalën në oborr dhe përshëndetën me dorë.

Helikopteri u ul në lëndinën e Shtëpisë së Bardhë pak para orës 8 të mëngjesit. Trump do të jetë presidenti i parë në largim në një shekull që bojkoton inaugurimin e pasardhësit të tij. Çifti Trump më pas do të largohet për në Mar-a-Lago, klubi privat në Florida.

  • foto galeri
  • foto galeri
  • foto galeri
  • foto galeri
  • foto galeri

Mbetet e paqartë nëse ka pasur një letër përshëndetësepër pasardhësin e tij në Zyrën Ovale, një traditë e filluar nga Presidenti Ronald Reagan në 1989. Trump mori një nga ish Presidenti Obama kur ai u transferua.

“Ne jemi thjesht pushtues të përkohshëm të kësaj zyre”, i shkroi Obama Trump në janar 2017. “Kjo na bën roje të atyre institucioneve demokratike dhe traditave – si sundimi i ligjit, ndarja e pushteteve, mbrojtja e barabartë dhe liritë civile – që të parët tanë luftuan dhe u përgjakën për to”.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb