TIRANE- Zhvillimet e fundit politike në vend, ku implikimi i emrit të ish-ministrit Saimir Tahirit nga Moisi Habilaj e Sabaudin Çelaj, dy trafikantët e drogës të arrestuar në Itali, kanë nxitur sulmin frontal të partive opozitare në vend.

Kështu, pas takimit që kryetarja e LSI-së Monika Kryemadhi, e shoqëruar nga Petrit Vasili zhvilloi dje në mbrëmje një takim urgjent me kryedemorkatin Lulzim Basha, ditën e sotme partitë opozitare do të mblidhen sërish në një tryezë. “BalkanWeb” mëson se takimi do të mbahet në orën 11:00, jashtë selive partiake. Gazetarja Elda Menga raporton se në takim do të marrin pjesë aleatë parlamentar dhe jo parlamentar të PD-së.

Pas deklaratave të ashpra të secilit lider të partive opozitare, Basha dhe Kryemadhi nisën menjëherë aksionin kundër krimit dhe lidhjeve të politikës me trafikantët.

Krerët e PD-së dhe LSI-së mendohet se gjatë takimit 40 minutësh që mbajtën dje, duket se janë rakorduar edhe për ecurinë e aksionit të përbashkët opozitar. Ndërkohë, mësohet se pas takimit Basha dhe Kryemadhi do të japin edhe një konferencë të përbashkët për mediat.
(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb