Bayern Munich vijonte festën, ndërsa siç mund të imagjinohet, krejt e ndryshme ishte atmosfera te Paris SG. Trajneri Thomas Tuchel analizoi humbjen, duke mos e fshehur aspak zhgënjimin e tij.

“Dhamë gjithçka dhe lamë zemrën në fushë. Nuk mund të kontrollosh rezultatin. Përpara ndeshjes isha i bindur se një gol do të vendoste këtë finale. Nëse do të kishim shënuar të parët… Gjithsesi jam krenar për këtë skuadër, e cila ka fituar mentalitetin e duhur për të shkuar më larg në të ardhmen”, ka thënë tekniku gjerman.
(balkanweb)