Futbolli nuk është një shkencë ekzakte, jo gjithnjë fiton ekipi favorit, kjo është një arsye e pastër pse është sporti më i dashur në botë. Asnjë ekip nuk fiton ende pa u futur në fushë, blofet janë njohur që nga koha kur u shpik ky sport, një histori e tillë e vështirë për tu besuar ndodhi gjatë mbrëmjes së mërkurës. Maqedonia e Veriut dhurojë një surprizë të madhe duke mposhtur Gjermaninë favorite absolute dhe këtë e bën në shtëpinë e katër herë kampionëve të botës. Goran Pandev me shokë arritën një rezultat historik, fitorja 1-2 po bën jehonë në të gjithë botën.
Në Duisburg, ekipi i Lev vinte pas dy fitoreve radhazi, katër golave të shënuar dhe asnjë i pësuar, në dukje gjithçka ishte rikthyer në normalitet por në fundin e pjesës së parë, Pandev i bën një surprizë të hidhur duke kaluar Maqedoninë e Veriut në avantazh. Me fillimin e pjesës së dytë, gjermanët reaguan duke fituar një 11-metërsh me Sane, nga pika e bardhë e penalltisë, Gundogan u tregua i saktë duke rikthyer baraspeshën. Atëherë kur të gjithë prisnin përmbysjen e rezultatit, Elif Elmas konvertoi në gol asistin e Ademit duke mposhtur Ter Stegen në minutën e 85-të. Shifrat nuk ndryshuan deri në fund me Maqedoninë e Veriut që merr vendin e dytë në Grupin J në kuotën e gjashtë pikëve po aq sa edhe Gjermania, ndërsa në mënyrë po kaq befasuese ky grup kryesohet nga Armenia me nëntë pikë të plota pas tre fitoreve radhazi.
(BalkanWeb)
