Banorët e zonave në Turqi që u goditën nga tërmeti 7.8 Rihter i 6 shkurtit po jetojnë momente tragjike pas reshjeve të dendura të shiut të orëve të fundit, që shkaktuan përmbytje dhe vdekjen e të paktën dhjetë personave, mes tyre një fëmijë 1 vjeç e gjysmë.
Zonat që morën goditjen më të madhe ishin Sanliurfa, ku humbën jetën katër persona dhe Antijaman, ku një person humbi jetën. Siç u bë e ditur, katër të vdekurit në Sanliurfa humbën jetën në një nënkalim të përmbytur.
Pesë të tjerë të vdekur u gjetën në një apartament nëntokësor në rrethin Tadogan. Sipas Yeni Safak, pesë sirianë u shpëtuan nga ekipet e shpëtimit.
Siç shihet në videot e publikuara nga mediat turke, sasia e madhe e ujit përmbyti kampet me tenda në të cilat jetojnë personat që humbën shtëpitë e tyre pas tërmeteve vdekjeprurëse të shkurtit.
Şanlıurfa'da dün akşamdan bu yana etkili olan sağanak sonucu onlarca aracın sel sularında sürüklendiği anlar cep telefonu kamerasınca kaydedildi https://t.co/3yKLJEiK1p pic.twitter.com/Ay79qxJiSp
— ANADOLU AJANSI (@anadoluajansi) March 15, 2023
Në video të tjera vërehet se ujërat e vrullshëm kanë “zhdukur” rrugët, duke tërhequr zvarrë makina dhe objekte të tjera pas tyre, ndërsa qytetarët bien në ujëra për të shpëtuar nënat dhe fëmijët.
Şanlıurfa’da sel sularında sürüklenen anne ve çocuğunu, çevredekiler son anda kurtardı.
— Yeni Şafak (@yenisafak) March 15, 2023
Në Sanliurfa, ishte gjithashtu e nevojshme të evakuohej një spital me pacientë të ICU që transferoheshin në institucione të tjera infermierie, ndërsa dy zjarrfikës rrezikoheshin të mbyten nën një kalim nëntokësor.
Şanlıurfa'da suda mahsur kalan kişinin kurtarıldığı anlar kameraya anbean böyle yansıdı.
— Yeni Şafak (@yenisafak) March 15, 2023
Meteorologët paralajmërojnë, se dita e sotme me gjasë do të jetë edhe më e rëndë për nga intensiteti i reshjeve të dendura, që pritet të vazhdojnë deri në orët e vona të natës. Recep Tayyip Erdogan shprehu ngushëllimet e tij për vdekjen e njerëzve në zonat e goditura nga tërmeti gjatë fjalimit të tij në një mbledhje të grupit parlamentar të partisë së tij, duke theksuar se ministrat e qeverisë dhe ekipet e shpëtimit ndodhen në zonë.