Ndihma mjekësore e dërguar nga Turqia në Argjentinë në mbështetje të luftës kundër koronavirusit të ri (COVID-19) u është dorëzuar autoriteteve të vendit.
Njëzet mijë maska kirurgjikale nga Turqia u janë dorëzuar zyrtarëve në Spitalin El Dique në qytetin La Plata nga ana e ambasadorit turk në Buenos Aires, Şefik Vural Altay.
Para dorëzimit të ndihmës, ambasadori Altay u takua me Shefin e Kabinetit të rajonit të Buenos Aires, Carlos Bianco.
Në fjalën e tij gjatë dorëzimit të ndihmës, Altay tha se pandemia aktuale është një problem i cili kërkon zgjidhje globale.
“Mbase Turqia dhe Argjentina mund të jenë larg në distancë, por zemrat tona janë me ju. E mbështesim luftën tuaj”, tha Altay.
Ndërkaq, Sekretarja e Marrëdhënieve Ndërkombëtare në Buenos Aires, Victoria Anadon, falënderoi Turqinë për ndihmën.
Ndryshe, në Argjentinë jetën nga koroanvirusi kanë humbur 4.009 persona deri më tani, ndërsa numri i të infektuarve ka arritur në 213.535.//AA