Grupi “Maneskin” u shpall fituese e “Eruovision 21”. Fill pas fitores, mediat fiksuan një moment, ku aludohej se anëtari kryesor i grupit, Damiano David, ishte duke pirë kokainë.
Por kjo teori ra poshtë, pasi analizat treguan që David, nuk kishte konsumuar drogë.
Sakaq, mediat e huaja kanë publikuar disa pamje të David, në kohën kur ka qenë gjimnazist, e duhet pranuar, ndryshimi është i dukshëm. Asokohe ai ka qenë pa tatuazhe dhe me flokë më të shkurtra të kthyera anash.
Kujtojmë që grupi “Maneskin”, u shpall fituese e “Eurovision”, pas votave të publikut. Në vend të dytë u rendit Franca dhe në të tretë, Zvicra, e cila përfaqësohej nga shqiptari Gjon Muharremi. Shqipëria, e cila në këtë kompeticion përfaqësohej nga këngëtarja Anxhela Peristeri, u rendit në vendin e 21, duke grumbulluar vetëm 57 pikë në total.
(BalkanWeb)
