Figura kryesore e opozitës ruse është arrestuar dhe ndaluar për 30 ditë, pasi u kthye në Moskë për herë të parë që kur u helmua vitin e kaluar.

Alexei Navalny tha se një vendim gjykate i mbajtur brenda një stacioni policie ishte një tallje dhe bëri thirrje për protesta në rrugë. Dhjetëra mbështetës të tij u mblodhën jashtë stacionit të policisë në Moskë, ku ai po mbahej dhe thirrën “turp” e “Putini të japë dorëheqjen”, shkruajnë mediat ndërkombëtare.

Navalny u ndalua menjëherë pas fluturimit të tij nga Gjermania në Rusi, të dielën. Prokurorët rusë thonë se ai ka shkelur kushtet e lirimit me kusht të një dënimi për përvetësim. Ai thotë se akuzat janë të motivuara politikisht.

Gushtin e kaluar, Navalny, 44 vjeç, u vra pothuajse në një sulm me agjent nervor, për të cilin ai fajësoi personalisht presidentit rus Vladimir Putin.  Kremlini mohon përfshirjen në ngjarje. Pohimet e politikanit të opozitës janë mbështetur nga raportet e gazetarëve hulumtues.

Të dielën, turma të mëdha u mblodhën në aeroportin Vnukovo të Moskës për të përshëndetur fluturimin e Navalnyt nga Berlini – por në një vendim të minutës së fundit autoritetet ri-drejtuan aeroplanin në një aeroport tjetër në kryeqytet.

Një sallë gjyqësore e improvizuar u organizua të hënën në një stacion policie në Khimki, në periferi të Moskës, ku Navalny kishte kaluar natën.

Gjykatësi urdhëroi ndalimin e Navalnyt deri në 15 shkurt për shkeljen e dënimit të tij me kusht. Ai do të ketë një seancë tjetër dëgjimore në 29 janar për të përcaktuar nëse dënimi i tij me kusht prej tre vjet e gjysmë duhet të zëvendësohet me një burgim. Navalny tha se trajtimi i tij ishte përtej një “talljeje me drejtësinë” dhe e përshkroi seancën dëgjimore si “paligjshmëri të shkallës më të lartë”.

“Mos ki frikë. Dil në rrugë, jo për mua, por për veten tënde, për të ardhmen tënde,” tha ai në një adresë video (në rusisht) nga stacioni i policisë. Një turmë prej rreth 200 mbështetësve të Navalny u mblodhën jashtë stacionit të policisë në mot të ftohtë, duke kërkuar lirimin e tij të menjëhershëm.

Navalny më vonë u pa i dërguar nga policia në një nga burgjet e Moskës. Avokati i tij, Vadim Kobzev, tha se ata do të apelojnë kundër vendimit “të paligjshëm” të gjykatës, sipas agjencisë së lajmeve ruse Interfax. Ndërkohë, më shumë se 70 mbështetës dhe gazetarë të Navalnyt u arrestuan të hënën në të gjithë Rusinë, sipas grupit të monitorimit OVD-Info.

(d.xh/ Balkanweb)