Të tjera detaje dalin në dritë në lidhje me autorin e dyshuar të vendosjes së tritolin në derën e jashtme të banesës së kreut të FSHF-së, Armand Duka.

Gazetarja Dorjana Bezat raporton për BalkanWeb se personi i arrestuar, Arlen Hasanaj, rezulton të jetë sipërmarrës i një kompanie në Durrës.

Po ashtu mësohet se autori i dyshuar, që u arrestua mbrëmjen e sotme nga policia, është banor i lagjes nr.4 ku banon edhe kreu i FSHF-së. Bezat raporton ndër të tjera se autori i dyshuar nuk rezulton të ketë lidhje biznesi me Dukën.

Shpërthimi me tritol ndodhi mbrëmjen e djeshme, ndërsa fatmirësisht nuk pati dëme në njerëz.
(BalkanWeb)