ITALI
Dizajneri italian i këpucëve luksoze, Sergio Rossi, ka vdekur dje në moshën 84-vjeçare, pasi u shtrua në spital me koronavirus.
Lajmin e ndarjes së tij nga jeta e bëri të ditur Luciana Garbuglia, kryebashkiake e San Mauro Pascoli ku jetonte Rossi. Pasi ishte shtruar në spital disa ditë më parë në Cesena, në Emilia-Romagna, një nga rajonet e goditur më rëndë nga pandemia e koronavirusit, legjendari i modës raportohet të ketë vdekur nga sëmundja.
Pasi dha lajmin mëngjesin e së premtes, administratori i kompanisë, Ricardo Sciutto, tha për ‘Women Wear Daily’: “Ishte një mjeshtër, ka qenë kënaqësi e madhe që e takova. Ai ishte udhëheqësi ynë shpirtëror dhe sot është më shumë se kurrë”.
Këpucët e tij u përdorën nga stilistë të tillë si Azzedine Alaïa, Versace, dhe Dolce & Gabbana në koleksionet e tyre dhe janë veshur nga të famshëm duke filluar Lupita Nyong’o deri në Rihanna, Paris Hilton e Laura Dern.