Dy shqiptarë u dënuan me katër muaj burg nga gjyqtari i i Middelburg në Holandë të mërkurën pasi ishin kapur në portin e Vlissingen-Oost një muaj më parë. Prokuroria Publike kishte kërkuar për të dy një vit burg, por gjyqtari konstatoi se nuk kishte prova të mjaftueshme që dy personat kërkonin drogë.

Dy shqiptarët K.S. 40 vjec dhe E.T. 46 vjec, u arrestuan natën e 17-18 shkurtit 2023 në portin Vlissingen-Oost. Kjo ndodhi në Finlandweg në Nieuwdorp, pasi të dy kishin hyrë më parë në port përmes një vrime në mur. Qentë e policisë kanë gjetur të dyshuarit.

Sipas Omroep Zeeland, tek shqiptarët u gjet një shënim me hartën e portit, emrin e një kontejneri anijeje dhe disa fjalë shqipe. Një elektrik dore dhe një kaçavidë u gjetën më vonë poshtë një kontejneri. Shqiptarët mund të shihen edhe në pamjet e kamerës duke ecur dhe kërkuar mes kontejnerëve.

Prokuroria Publike konstatoi se kjo ishte provë e mjaftueshme që të dy donin të merrnin drogë nga një kontejner dhe kërkuan një vit burg. Vetë ata deklaruan se donin të udhëtonin në Angli me anije. Gjyqtari nuk e beson këtë, por megjithatë sheh shumë pak prova se të dyshuarit kanë ardhur për kokainë.

Prandaj të dy u dënuan me katër muaj burg.