Kryeministri japonez, Yoshihide Suga, jep dorëheqjen pas kritikave të shumta lidhur me menaxhimin e pandemisë nga Covid-19.
“Kisha planifikuar të kandidoj, por trajtimi si me COVID-19 ashtu edhe me zgjedhjet kërkon energji të madhe. Vendosa që nuk kishte asnjë mënyrë për t’i bërë të dyja”, u tha Suga gazetarëve në Tokio.
“Vendosa të përqendrohem në masat e koronavirusit”, shtoi ai.
Ai mori drejtimin e partisë vitin e kaluar pas dorëheqjes së papritur të paraardhësit të tij Shinzo Abe, i cili dha dorëheqje si kryeministër për arsye shëndetësore.
Japonia ka raportuar 1.524.679 raste me COVID-19, përfshirë 16.184 vdekje, që nga shpërthimi. i pandemisë.