Luis Enrique pas tre sezonesh u largua nga Barcelona pasi klubi blaugran, por edhe vetë trajneri nuk shprehën dëshirën për të zgjatur bashkëpunimin. Nën zë thuhej gjithmonë se një prej arsyeve që përse 47-vjeçari do lërë stolin e 5 herë kampionëve të “Champions League” është Lionel Messi.
Sipas asaj që raportojnë mediat spanjolle, kjo tezë fillon të përforcohet më shumë pas zbulimit se spanjolli nuk është në listën e Messi-t për personat që do marrin ftesë në dasmën e argjentinasit. Më 30 qershor, ylli i katalansve do të lidhë kurorë me Antonella Rocuzzo, në Argjentinë, në Rosario, vendlindja e të dyve, por në një listë ku nuk mungojnë shokët e skuadrës, mjekët, masazhatorët dhe fizioterapistët, mosprezenca e Enrique ngre shumë pikëpyetje, raporton “Mirror”.
Gjithashtu, nuk kanë marrë ftesë as drejtuesit e klubit blaugrana. Në total të ftuar janë 700 persona.
(e.k/BalkanWeb)