LEZHË

Gjendet pas 12 ditësh trupi i peshkatarit të mbytur në lumin Drin. Gazetari Elidon Mema raportoi për “BalkanWeb” se Trupi i Agim Zeqjas, 54 vjeç është nxjerrë nga polumbarët rreth 300 metra larg vendit ku është mbytur.

Peshkatari u mbyt në ujërat e lumit Drin pranë fshatit Ishull Lezhë më 28 janar. Polumbarët por edhe familjarët zhvilluan për disa ditë me radhë kërkime në ujërat e lumit por pa rezultat, deri sa ditën e sotme trupi i tij ka dalë në sipërfaqe.

(m.k/BalkanWeb)