Policia e Shtetit ka vendosur në pranga pesë persona, të akuzuar për vepra të ndryshme penale. Njëri prej të arrestuarve, ishte shpallur në kërkim kombëtar.
Në njoftim thuhet se në pranga është vendosur shtetasi me iniciale E. L., 37-vjeç, pasi mëngjesin e djeshëm në Rrogozhinë është përfshirë në një aksident me 2 mjete të tjera, ku si pasojë humbën jetën dy drejtuesit, Tonin Mëhilli 59 vjeç dhe Bajram Koni e bashkëshortja e tij Merushe, e cila ishte pasagjere, ndërsa i plagosur mbeti një 10 vjeçar i cili ndodhet në spitalin e Durrësit në gjendje të rëndë shëndetësore.
Njoftimi i plotë i Policisë së Shtetit:
Arrestohen në flagrancë 5 shtetas, për vepra të ndryshme penale, njëri prej tyre i shpallur në kërkim kombëtar. Specialistët për Hetimin e Krimit në Komisariatin e Policisë Nr.2 bënë arrestimin në flagrancë të shtetasit M. B., 41 vjeç, pasi ka ushtruar dhunë fizike dhe psikologjike ndaj bashkëshortes së tij. Nga specialistët për Hetimin e Krimit në Komisariatin e Policisë Nr.3, u bë arrestimi në flagrancë i shtetasit G. R., 26 vjeç, pasi me datë 05.03.2021, nën kanosjen e një mjeti prerës ka vjedhur disa produkte në dyqanin e shtetasit P. B. Në vijim të punës për kapjen e personave në kërkim kombëtar dhe vënien e tyre përpara përgjegjesisë ligjore, nga sherbimet e Komisariatit Nr.6 u bë kapja dhe ndalimi i shtetasit E. K., 45 vjeç, i shpallur në kërkim për veprën penale “Vepra të turpshme” pasi me datë 01.02.2021, ka kryer veprime të turpshme në prani të një shtetasi të mitur. Specialistët e Qarkullimit Rrugor bënë arrestimin në flagrancë të shtetasve :
E. M., 20 vjeç, pasi u kap duke drejtuar mjetin pa lejen përkatëse ;
E. L., 37 vjeç, pasi ditën e djeshme është përfshirë në një aksident me 2 mjete të tjera. Si pasojë e aksidentit kanë humbur jetën 2 drejtuesit e mjeteve shtetasit T. M., 59 vjeç dhe B. K., 58 vjeç, si dhe shtetasja R. K., 44 vjeçe., pasagjere në mjetin me drejtues B. K. Gjithashtu është dëmtuar dhe një shtetase e mitur 10 vjeçe, e cila ndodhet në spital nën kujdesin e mjekëve.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
