Në një kohë që Kosova dhe dhe bota po përballen me pandeminë e COVID-19, në Kuvendin e Kosovës po pritet që të procedohet mocioni i LDK’së për rrëzimin e Qeverisë që drejtohet nga Albin Kurti.

Megjithatë ministri i Mbrojtjes nga radhët e LDK’së, Anton Quni, i ka dhënë një orë kohë Kurtit që të shqyrtojë kthimin e Agim Veliut në punë dhe të heqë taksën me qëllim të kthimit mbrapsht të mocionit.

Mirëpo një ofertë e tillë e Qunit nuk i ka pëlqyer aspak Agim Veliut. Në një prononcim për T7, Veliu ka thënë se mocioni nuk duhet të kthehet mbrapa dhe se pret rrëzimin e Qeverisë Kurti.

Veliu tha se qeveria e Kurtit është më e rrezikshme sesa koronavirusi, kurse e cilësoi kryeministrin si tinzar.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb