TIRANE- Pas shkarkimit nga detyra e Drejtorit të Policisë së Shtetit, Haki Çako iu drejtua zyrës së tij, atje ku kaloi shumë kohë që nga emërimi i tij në vitin 2015. Madje, në një komunikim për ‘News24’ Çako pohoi se pas shkarkimit kishte shkuar direkt në zyrë, konkretisht rreth 3 orë më parë.
Ndërkohë, burime për ‘BalkanWeb’ raportuan se pak çaste më parë, rreth orës 15:10 Çako është parë duke dalë nga godina që drejtori prej 3 vitesh.
Kujtojmë se shkarkimi i tij nuk ishte i beftë, pasi ishte përfolur me herët që do të merrej ky vendim, që edhe Çako siç duket e ka pritur mirë. Këtë e dëshmojnë edhe disa foto që qarkulluan sot në të gjitha mediat, ku Çako shihej i qeshur duke hyrë në zyrën e tij, madje nuk ka nguruar që të përshëndes me dorë edhe gazetarët.
(ed.me/BalkanWeb)