Udhëheqësi suprem i Iranit tha se gratë që nuk mbajnë hixhab të plotë nuk duhet të akuzohen si jofetare ose antirevolucionare.

Hixhabi që nuk mbulon plotësisht flokët e tyre, siç kërkohet sipas kodit të veshjes islame të Iranit, nuk duhet të shihet si kundër fesë dhe revolucionit, tha Ayatollah Ali Khamenei duke folur me një grup grash iraniane. “Të gjithë kemi defekte që duhet t’i rregullojmë sa më shumë që të jetë e mundur.”

Gratë që mbajnë hixhabin gabimisht “janë ende bijat tona”, tha ai, në komente që mund të shihen si pajtuese pas muajsh trazirash.

Udhëheqja politike e Iranit ka qenë nën presion të madh që nga shpërthimi i protestave mbarëkombëtare në mes të shtatorit.

Protestat e zhytën Teheranin në krizën e tij më të keqe politike në dekada.

Amini, 22 vjeç, u arrestua për shkelje të kodit të veshjes së Iranit. Autoritetet shtypën me dhunë protestat që pasuan.

Tani, gjithnjë e më shumë gra ecin në publik nëpër metropolet e Iranit pa mbajtur shami.

E ashtuquajtura policia e moralit që arrestoi Aminin është zhdukur thuajse tërësisht nga rrugët, por respektimi i rregullit të shamisë duhet të ndiqet me metoda të tjera, siç është vëzhgimi me video.