Një lider neo-nazist dhe partnerja e tij akuzohen për komplot për të dëmtuar objektet energjetike në Baltimore, të SHBA-ve dhe të shkatërronin plotësisht gjithë qytetin.
Të akuzuarit nga Departamenti i Drejtësisë, janë Brandon Clint Russell dhe Sarah Beth Clendaniel, duke pretenduar se komploti i fokusuar në Maryland ishte i nxitur nga besime ekstreme të motivuara etnikisht ose racor.
“Ata komplotuan për të shkaktuar dëm maksimal në rrjetin elektrik. Të akuzuarit po merrnin hapa për të përmbushur kërcënimet e tyre dhe për të çuar përpara qëllimet e tyre ekstremiste”, tha gjatë një konference për shtyp Tom Sobocinski, një zyrtar i FBI-së në Baltimore.
Akuzat vijnë pasi ekspertët e dhunës në familje kanë paralajmëruar se përpjekjet e grupeve ekstremiste për të sulmuar objektet e energjisë janë në rritje.
Në një bisedë zanore të regjistruar në janar, Clendaniel dyshohet se i tha burimit të FBI-së se synonte “shkatërrimin e gjithë qytetit”. Ndërsa, Russell i dërgoi burimit një video në YouTube rreth një sulmi të fundit në nënstacionin në Karolinën e Veriut.
FBI-ja mori një dokument që thuhet se është shkruar nga Clendaniel, ku dyshohet se i referohet Hitlerit, si dhe Unabomber Ted Kaczynski dhe autorit të sulmit terrorist të vitit 2011 në Norvegji.
Russell, sipas dokumenteve të akuzës, i atribuon se kishte besime neo-naziste dhe kishte krijuar grupin e tij lokal Nacional Socialist.
Sipas dokumenteve të akuzave, Russell ka besime neo-naziste dhe ka krijuar grupi Nacional Socialist.
Clendaniel, dyshohet se do të merrte pjesë në një sulm të objekteve energjetike në Balatimore, pas një regjistrimi të një bisede zanore që ka zgjatur 2 orë.
(BalkanWeb)
