Edhe pse UEFA ka paralajmëruar sanksione të rënda për “rebelët” e Superligës Evropiane, Presidenti i Juventusit, Andrea Agnelli vijon të mbajë të njëjtën linjë mendimi, duke theksuar se ideja e presidentëve të disa klubeve për të krijuar këtë ligë, nuk është një “grusht shteti ndaj futbollit”.
Në një intervistë për mediat, Agnelli ka nënvizuar se nevoja për krijimin e një lige të tillë, ishte për të shpëtuar ekipet nga rrënimi financiar, që u arrit nga prezenca e pandemisë në jetët tona.
“Ne u përpoqëm në çdo mënyrë të ndryshonim garat ndërkombëtare nga brenda. Mbaj mend një propozim nga vitin 2019 midis ECA dhe UEFA, që mendova se ishte i shkëlqyeshëm, dhe në fakt u mbështet nga klubet në divizionin e dytë, të tretë dhe të katërt. Ju nuk mund të mos pranoni që futbolli evropian është i përqendruar në një monopol të pushtetit ekzekutiv, ekonomik dhe juridik, duke i rezervuar UEFA-s përgjegjësinë pothuajse arbitrare të caktimit të licencave. Sistemi është sot joefikas.
Superliga nuk ishte një grusht shteti, por një thirrje e dëshpëruar paralajmëruese për një sistem që ishte tashmë në prag të kolapsit para pandemisë, dhe po shkon drejt një gjendje të paaftësisë paguese. Klubet gjithmonë kërkuan komunikim me UEFA-n, e cila reagoi duke përplasur derën dhe duke bërë kërcënime të mëdha, arrogante ndaj tre klubeve që mbeten në Superligë, duke injoruar totalisht vendimin e gjykatës në Madrid dhe duke pritur vendimin e Gjykatës Evropiane. Ne mund të sigurojmë që baza ligjore për projektin është e fortë.
Ky lloj qëndrimi nga UEFA nuk është mënyra se si ju e reformoni futbollin. Dëshira jonë për dialog me UEFA-n dhe FIFA-n është e pandryshuar. Sporte të tjera ndryshuan formatin e tyre me kalimin e viteve, të tilla si Euroliga e basketbollit, duke sjellë përfitime të mëdha për tifozët, klubet dhe lojtarët. Pothuajse të gjithë palët e interesuara që mbajnë futbollin duhet të reformohen, megjithatë ata që bëjnë propozime demonizohen.
Juventusi, Real Madridi dhe Barcelona synojnë të vazhdojnë me propozimet tona, gjithashtu në solidaritet me ata që kishin shumë frikë të mos u përmbaheshin atyre”, u shpreh Presidenti i Juventusit.
(BalkanWeb)
