NGA ENVER DOCI

BURREL- Dalja e ujërave të zeza në sipërfaqe në unazën e poshtme të qytetit të Burrelit, është kthyer në një shqetësim të madh për banorët që jetojnë në këtë zonë. Banorët thonë se ky problem është që pas viteve ‘90-të, dhe jo vetëm që ndotet mjedisi, por është kthyer në një rrezik serioz për shëndetin e tyre.

Një tjetër banor shprehet se ujërat e zeza vërshojnë në tokat bujqësore të tij, të cilat kanë dalë jashtë përdorimit.

Më problematike është situata për fëmijët të cilët kalojnë apo luajnë pranë ujit të ndotur, që me raste mund ta përdorin edhe për të larë duart.

Një tjetër rast është i një udhëtari i cili është ndalur për “t’u pastruar” me ujin e ndotur.

Shpeshherë banorët e kësaj zone kanë ngritur shqetësimin e ujërave të zeza që janë në sipërfaqe. Bllokimi i kolektorëve ka bërë që ndotja të jetë e madhe.

(BalkanWeb)