Ministria e Punëve të Jashtme e Ukrainës deklaroi se u është mirënjohës partnerëve të saj ndërkombëtarë për përgjigjen e tyre të vendosur dhe në kohë të duhur ndaj tensionit që Rusia e ka rritur dhe kjo e ka inkurajuar Rusinë të përfundojë stërvitjet e saj.
Në një deklaratë të lëshuar nga ministria thuhet se deklarata e djeshme e ministrit rus të Mbrojtjes, Sergey Shoygu, ishte një zhvillim i këndshëm.
Më tej, thuhet se tërheqja e fuqisë ushtarake të Rusisë në kufirin me Ukrainën do të zvogëlojë tensionin dhe se ky hap nuk do t’i japë fund tensionit të vazhdueshëm dhe krizës midis dy vendeve.
Në deklaratë gjithashtu bëhet e ditur se ata presin të shohin hapa të vazhdueshëm dhe konstruktiv përveç deklaratave.
“Rusia ende i detyrohet një deklarate Ukrainës, Organizatës për Siguri dhe Bashkëpunim në Evropë (OSBE) dhe bashkësisë ndërkombëtare në lidhje me fortifikimet ushtarake të kësaj madhësie”, theksohet në deklaratë.
Gjithashtu thuhet se Ukraina është mirënjohëse ndaj partnerëve të saj ndërkombëtarë për përgjigjen e tyre vendimtare dhe në kohë të duhur ndaj tensionit të përshkallëzuar nga Rusia, ndërsa theksohet se kjo inkurajoi Rusinë të vendoste të përfundonte stërvitjet e saj të rrezikshme.
Ministri rus i Mbrojtjes, Sergey Shoygu, dje njoftoi se përfunduan stërvitjet e trupave në rajonet ushtarake jugore dhe perëndimore të Rusisë dhe se do të tërhiqen ushtarët.//AA
