Një nga realitetet e zymta të luftës është trajtimi i trupave të të vrarëve në konflikt – dhe kjo përfshin ushtarët rusë.

Reuters tregon se trenat po përdoren nga Ukraina për të ruajtur të vdekurit.

“Në këtë tren frigoriferik mbahen disa qindra trupa të pushtuesve rusë. Shumica e tyre janë sjellë nga rajoni i Kievit, ka disa nga rajoni i Chernihiv dhe nga disa rajone të tjera gjithashtu,” tha një zyrtar për agjencinë e lajmeve.

Volodymr Lyamzin, përgjegjës për bashkëpunimin civilo-ushtarak, tha se trupat po ruheshin në këtë mënyrë, në mënyrë që të mund të ktheheshin përfundimisht në atdheun e tyre.

“Sipas normave të së drejtës ndërkombëtare humanitare, dhe Ukraina po i ndjek me përpikëri ato, pasi të përfundojë faza aktive e konfliktit, palët duhet të kthejnë trupat e ushtrisë së një vendi tjetër”, tha ai.

Ka disa trena të tillë të shpërndarë nëpër vend, shtoi ai.

Forcat ukrainase i kanë larguar armiqtë e tyre nga qyteti i dytë më i madh i vendit, Kharkiv, një muaj pasi detyroi pushtuesit rusë të braktisin një avancim në Kiev.

Si kundërpërgjigje, Rusia bombardoi fshatrat përreth duke përfshirë Dergachi, i cili është 10 km (gjashtë milje) në veri të Kharkiv, rrëzoi një avion ukrainas Su-27 dhe çaktivizoi rafinerinë e naftës Kremenchuk në Ukrainën qendrore.

Pasi raketat goditën një ndërtesë të përdorur për shpërndarjen e ndihmave, kryebashkiaku i Dergaçit, Vyacheslav Zadorenko i tha Reuters “Unë nuk mund ta quaj atë gjë tjetër veçse një akt terrorist”.

Presidenti rus Vladimir Putin e kishte quajtur sulmin e saj ndaj Ukrainës një “operacion special ushtarak” për të çmilitarizuar një fqinj që kërcënon sigurinë e saj.