Akuzat e Tom Doshit se LSI ka blerë vota në favor të kandidatit demokrat në Bashkinë e Vaut të Dejës, Gjokë Uldedaj i cilëson si krejtësisht të pavërteta. Nëpërmjet një postimi në rrjetin social “Facebook”, Uldedaj akuzon Tom Doshin si të vetmin person i cili ka tentuar të blejë vota në atë bashki.
Më tej, si kreu i Grupit të Punës së PD në Bashkinë e Re “Vau Dejës”, Uldedaj shton se pas rezultatit zhgënjyes, ai ka tentuar t’i marrë mbrapsht paratë.
“Në cilësinë e Kryetarit të Grupit të Punës dhe Drejtuesit të Fushatës së Partisë Demokratike në Bashkinë e Re “Vau Dejës”, unë e konsideroj shumë dëshpëruese, e nëncmoj dhe e mëshirojë deklaratën e Tom Doshit dhënë në media, lidhur me fitoren tonë në Bashkin Vau Dejës.
Ja kuptoj edhe hallin e madh dhe sikletin që po kalon zotëria në fjalë, duke demonstruar një pështjellim dhe çorientim të plotë politik, jo vetëm nga efekti I humbjes së thellë të 21 Qershorit, në bashkinë Vau Dejës, të cilën publikisht e pati marrë përsipër dhe kërkoi ta hipotekonte, si ciflig për vete.
Për ata që nuk e dinë, por edhe Këtij zotërisë, unë po i rikujtoj se në 21 qershor, Ju keni shënuar rekordin e humbjes së 5të radhazi, në Bushat dhe Bashkinë e Re Vau Dejës. Besojë se e kujtoni mirë vitin 2007, vitin 2009,vitin 2011, por edhe në vitin 2013, dhe tani së fundi 21 Qershorin 2015. Një shprehje popullore këtej nga ne thotë: “Ma keq i mësuemi se i dëshiruemi”.
Nuk justifikohet humbja e thellë dhe e pastër në këto zgjedhje me justifikime dhe mashtrime të radhës. Partia Demokratike dhe kualicioni i djathtë realizuan një fitore të pastrër dhe të pakontestuar, Jo vetëm për kandidatin e saj zotin Zef Hila, por edhe për PD dhe kualicionit e djathtë, duke shënuar një fitore të thellë në dy nivele, por kjo fitore do të ishte edhe më e thellë nëse elektoratit i kësaj zone do të të lihej të votonte i qetë dhe largë presioneve të blerjes së votës.
Është fakt dhe të gjithë e dinë dhe e konfirmojnë si drita e diellit se ishte Tomë Doshi, që bleu vota, jo vetëm të premten dhe të shtunen, por 20 ditë radhazi, duke përdorë skemat e vjetra të sekserëve. Por kësaj radhe disa sekser që ne i kemi me zë dhe me figurë, duke e konsideruar Tomën si të dështuar, dualën më të zgjuar se ustai i Tyre, i muarën parat dhe kryen punët e veta. Këtu futen edhe disa isha të PDsë, që punuan kundra nesh, për interesa thjesht personale, se forca e tyre përball elektoratit ishte e degraduar e shpëlara. Të gjithë janë dëshmitare të shfaqjes së Tij në zonë dy ditë pas humbjes së merituar, për të kërkuar parat e dhëna në këmbim të votave të premtuara, duke kërcënuar deri me “ Be në Kishë”.
Teza e fundit e zotit Tomë, se LSI, paska ble vota për ne është jo vetëm fëminore, por e pakuptimët dhe një mashtrim i radhës. Po të blinte vota LSI, do ti blinte për vete dhe jo për të Tjerët. Referuar shifrave zyrtare LSIja, në Bushat ka marrë vetëm 580 vota dhe në njësinë administrative të Vau Dejës ka marrë 443 vota. Është fakt dhe është zyrtare ne faqen e KQZ, se në ato qendra votimi ky LSI ja, ka arrit të marrë vota si në: (Kosmac, Shkjez, Bushat Qendër, Pasterpat Barbullush, Mjedë, dhe Narac), Kandidati jonë, zoti Zef Hila dhe PDja, si subjekt i kanë humbur këto qendra votimi me diferencë pothuajse aq vota sa ka marrë LSIja.
Faktet janë kokëforte dhe konsiderohet dëshpëruese përpjekja e kundërshtarëve tanë politikë, që të zbehin punën e palodhur të strukturave të PDsë, të kësaj zone dhe vlerat e Kryetarit të kësaj Bashkie Zotit Zef Hila. Ne ecim përpara me punë dhe dinjitet.”
(el.sp/BalkanWeb)
