ITALI
Bien shifrat e COVID-19 në Itali. Testimet ditën e sotme kanë qenë 55.800, ndërkohë që gjatë javës u arritën edhe 100 mijë testime.
Në 24 orët e fundit në shtetin fqinjë janë regjistuar 1350 raste pozitive, kundër 1587 të ditës së djeshme. Rritet numri i viktimave, që janë 17, ndërkohë që 232 persona gjenden në terapi intensive.
Nuk ka rajone italiane pa raste me COVID, Kampania është rajoni me më shumë raste, 243, e ndjekur nga Lacio dhe Emilia Romanja, ndërkohë që Lombardia që kryeson zakonisht shifrat ka regjistruar 90 raste.
Qeveria italiane ka vendosur ditën e sotme që të gjithë personat që vijnë nga Franca dhe veçanërisht, Parisi do të testohen me tampon, për shkak të rritjes së madhe të rasteve në atë vend.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
