Manchester United përballet me Everton, në kuadër të Premier League. Në konferencën për shtyp, trajneri i “Djajve të kuq”, Ruben Amorim tha se pret një ndeshje të luftuar dhe për të marrë 3 pikët, ekipi duhet të javë maksimumin.

“Ne tashmë e dinim se kështu do të ishte, kështu që nuk ka justifikime! Duhet që të jemi gati për të dielën e duhet që të fitojmë! Ne do të bëjmë ndryshime në formacion e do të jemi gati! Duhet të përdorim katër zëvendësues që të menaxhojmë formën fizike.

Ne duhet që ta bëjmë këtë! Do të jetë një ndeshje ndryshe, e shumë luftarake! Ata kanë një trajner të zot që e kupton kampionatin, e kupton momentin e rivalit! Duhet të mbajmë topin, pasi kemi pak kohë të rekuperohemi. Shpresoj për fitore dhe shpresoj të shikoj gjëra të ndryshme në ekipin tim të përmirësohem.”- tha ai.

(J.S/BalkanWeb)