TIRANË
Presidenti i Republikës, Ilir Meta, ka dekretuar sot me shpallje ligjin nr. 34/2021 “Për ndryshimin e emërtimit të njësisë së qeverisjes vendore nga “Bashkia Ura Vajgurore” në “Bashkia Dimal””.
“Ndryshimi i emërtimit të njësisë së qeverisjes vendore, “Bashkia Ura Vajgurore” në “Bashkia Dimal”, një emërtim i lashtë që i sjell identitet zonës, është një hap që vjen në përputhje me interesat ekonomikë e socialë, traditën, kulturën, lidhjet tradicionale dhe vlerat e tjera vendore, të kësaj bashkie.
Ky ligj materializon vullnetin e popullsisë së zonës, pas një procesi të gjerë konsultimi me banorët e kësaj bashkie.” thuhet në dekretin e Presidentit.
Miratimi i dekretit vjen menjëherë pas apelit të kandidatit të LSI në Berat, Ardit Çela, i cili kërkoi nga Presidenti të miratojë kërkesën e banorëve të zonës lidhur me emërtesën e re ‘Dimal’, të Urës Vajgurore.
(BalkanWeb)