Organet e zbatimit të ligjit të Uzbekistanit kanë arrestuar një burrë dhe bashkëpunëtorët e tij në rajonin qendror Syrdarya, të cilët planifikonin t’i bashkoheshin organizatave terroriste në Lindjen e Mesme, tha të enjten Ministria e Punëve të Brendshme.

Burri dhe “njerëzit e tij janë ndikuar nga anëtarët e organizatave terroriste në Siri përmes internetit dhe kanë shpërndarë rregullisht përmbajtje ekstremiste, veçanërisht materiale xhihadiste, midis kontakteve të tyre të ngushta”, sipas një raporti të lëshuar nga ministria.

Lideri i grupit synonte të udhëtonte në Siri për t’iu bashkuar grupeve terroriste, thuhet në raport pa dhënë detaje të mëtejshme për numrin e personave të arrestuar.

Hetimi për rastin është duke u zhvilluar, shtoi ajo.