TIRANË

Komisioni Ligjeve ka miratuar sot raportin për kandidaturat për dy vakancat për anëtarë të Gjykatës Kushtetuese. Para të pranishmëve, Klotilda Ferhati, theksoi se të gjitha dokumentacionet që ka sjellë KED-ja për kandidaturat janë të plotë.

Pas dritës jeshile që morën në Komisionin e Ligjeve, tre emrat e kandidatëve si Arta Vorpsi, Fiona Papajorgji dhe Elsa Toska do t’i kalojnë për miratim Kuvendit të Shqipërisë.

Kuvendi i Shqipërisë pritet të zgjedhë brenda afatit 30 ditor dy anëtarë të Gjykatës Kushtetuese.

Pas seancës dëgjimore të pak ditëve më parë, Komisioni i Ligjeve miratoi këtë të martë me shumicë votash dy raportet me emrat e dërguar nga KED-ja për anëtarë të Kushtetueses për vendet vakante, të cilat u shpallën në 12.02.2018 dhe 04.03.2019, pasi anëtarët e mëparshëm u skualifikuan pasi iu nënshtruan procesit të vettingut.

(n.m/ BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb