Komisioneri për Zgjerim dhe Fqinjësi të Bashkimit Europian, Oliver Varheley ka mirëpritur marrëveshjen për liberalizimin e vizave për Kosovën. Përmes një postimi në Twitter, Varheley ka bërë me dije se punë kundër krimit të organizuar ka dhënë rezultate të prekshme.
“E mirëpres marrëveshjen për liberalizimin e vizave për Kosovën. Puna jonë e përbashkët për të luftuar krimin e organizuar solli rezultate të prekshme në terren”, ka shkruar ai, duke shtuar se BE-ja qëndron në krah të njerëzve në Ballkanin Perëndimor”, ka shkruar ai.
Presidenca e Këshillit dhe përfaqësuesit e Parlamentit Evropian të mërkurën kanë arritur marrëveshje për projekt-rregulloren për udhëtimin pa viza për qytetarët e Kosovës.
Siç bëhet e ditur, tani duhet të miratohet nga Këshilli dhe Parlamenti Evropian përpara se të kalojë procedurën formale të miratimit.
(BalkanWeb)
