PRISHTINË
Komisionieri i BE-së për Fqinjësi e Zgjerim, Oliver Varhelyi, ka zhvilluar një takim me kryeministrin e Kosovës, Albin Kurti.
Varhelyi ka reaguar pas takimit me Kurtin, duke thënë se ka zhvilluar një diskutim të hapur me kreun e qeverisë kosovare.
Po ashtu, Varhelyi nënvizon se BE qëndron afër Kosovës në luftën ndaj Covid.
“Diskutim i mirë dhe i hapur me kryeministrin e Kosovës, Albin Kurti. Në këtë takim, nënvizova rëndësinë e përparimit të axhendës së reformave evropiane dhe rifillimin e dialogut me Serbinë, të ndërmjetësuar nga ana e BE-së. BE qëndron pranë #Kosovës në luftën kundër # pandemisë COVID19, duke siguruar mbështetje dhe vaksina”, shkruan Varhelyi.
(Balkanweb)