Nënkryetari i LSI-së Petrit Vasili, me anë të një statusi në “Facebook” ka publikuar videon e News 24, ku një djalë tregon peripecitë në luftën e tij për të shpëtuar nënën nga sëmundja e koronavirusit.
Vasili shprehet se qeveria duhet që të lërë arrogancën e neveritshme, duke shtuar se po ashtu duhet të lërë edhe justifikimet vrastare.
Po ashtu, Vasili thekson se lotët e djalit janë një shuplakë për qeverinë, që bën vetëm propagandë e jo punë.
Postimi i nënkryetarit të LSI-së Petrit Vasili:
Qeveri lere arrogancen e neveritshme.(VIDEO).
Qeveri leri justifikimet vrastare.
Qeveri lere propaganden e peshtire.
Lotet e ketij djali per nenen e semure, qe nuk e shtrojne ne Sanatorium dhe qe lengon me COVID ne autoambulance, jane deshmi rrenqethese se si kryeministri dhe qeveria genjejne poshtersisht.
Fjalet e ketij djali jane shuplake per qeverine, qe me nje logjike kriminale ben propagande ne vend, qe te veproje.
Keto lot deshperimi te nje djali, qe nuk gjen ndihme e mbeshtetje per nenen e tij jane nje dhimbje pa fund per cdo njeri qe ka zemer, por jo per qeverine e hipokriteve.
(d.xh/ balkanweb)