Sekretari i Përgjithshëm i PD, Gazment Bardhi ka publikuar një video ku paraqet fjalimet e Ramës dhe i ballafaqon me vdekjen e 53-vjeçarit nga Ndroqi, Lutfi Çekiri i cili për 3 ditë kërkonte serum sa tek QSUT tek Trauma.

Bardhi thotë se këmbana e alarmit po bie çdo ditë pasi shëndetësia është dështim i rëndë i Ramës.

Ai shton se për shkak të paaftësisë dhe papërgjegjshmërisë së qeverisë, familjet shqiptare po paguajnë shtrenjt.

Për më tepër Bardhi thotë se në shëndetësinë e Ramës ilaçet nuk janë të sigurta, sistemi i rrënuar, stafet mjekësore të keqpaguara si dhe shëndetësia falas nuk ekziston pasi qytetarët paguajnë tek privati.

 

STATUSI NGA GAZMENT BARDHI

Shëndetësia është një nga dështimet më të rënda të Edi Ramës. Paaftësia, papërgjegjshmëria, vjedhja me koncesione e PPP po paguhen shumë shtrenjtë nga familjet shqiptare.
• Ilaçet nuk janë të sigurta.
• Sistemi është i rrënuar.
• Stafet mjekësore janë të keqpaguar. Shëndetësia falas nuk ekziston.
• Qytetarët harxhojnë mbi 300 milionë euro në vit tek privati.
🔴 Në video, Edi Rama vs. E Vërteta e qytetarit që humbi jetën duke kërkuar një serum nëpër spitale!
Këmbana e alarmit po bie çdo ditë!
Denonco, shpërndaje këtë video.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb