TIRANE

5 ditë pas vdekjes së ish-presidentit të Amerikës George H. W. Bush, presidenti Ilir Meta zhvilloi homazhe në Ambasadën amerikane në Tiranë. Kreu i shtetit shkroi edhe disa fjalë kushtuar figurës së Bush në Librin e Zisë të hapur me këtë rast.

“Për të gjithë popullin dhe kombin shqiptar kujdesi i veçantë dhe mbështetja e Tij vendimtare në rrugën e lirisë dhe demokracisë do të mbetet e paharruar, së bashku me gjithë veprën e Tij për një botë më të lirë, më të hapur dhe paqësore. Me mirënjohje!”, -shkroi Presidenti.

Më pas Meta u shprehu zyrtarëve të Ambasadës amerikane ngushëllimet e sinqerta për ndarjen nga jeta të presidentin Bush si dhe kontributin e tij të vyer ndaj kombit tonë dhe çështjes shqiptare.
(ed.me/BalkanWeb)