Të tjera detaje dalin në dritë në lidhje me ngjarjen e rëndë që ndodhi sot në Cërrik, ku një i ri humbi jetën pas shpërthimit të një lënde plasëse.

Gazetarja Dorjana Bezat ka siguruar për BalkanWeb rrëfimin e dëshmitarëve. Sipas tyre, 27-vjeçari Erjon Rexhepi ishte duke ecur në këmbë në rrugë para shtëpisë së tij kur i ka shpërthyer pakoja që kishte në dorë. Mësohet se brenda kutisë kishte lëndë plasëse.

Ndërkohë, gazetari Fatmir Popja ka siguruar për “BalkanWeb” pamjet nga vendi i ngjarjes, ky shihet ende viktima në rrugë, i mbuluar me një çarçaf të bardhë. Ndërkohë ekspertët hetimor po marrim provat materiale, ndërsa rruga është bllokuar me shiritin e sigurisë.