Kreu i Bashkisë së Tiranës, Erion Veliaj, sfidoi Partinë Demokratike në mbledhjen e Këshillit Bashkiak, duke thënë se në zgjedhjet lokale që po afrojnë do të fitojnë bindshëm.
Në mbledhjen me anëtarët e PD të larguar, Veliaj përmendi disa statistika në Tiranë në dallim me vitet e kaluara.
Kryebashkiaku tha se këtë vit qyteti i Tiranës ka pasur vetëm 7 vrasje, duke thënë se po jetojmë në kohën e sigurisë më të lartë.
“Tirana në këtë vit në 1 mln banorë ka pasur vetëm 7 vrasje, viti më i mirë i Tiranës për kriminalitetin dhe 4 janë komplet çështje familjare, ai rasti i hajvanit që mori në qafë vajzën te Spitalet, dhe ai i çmenduri në Don Bosko. Në Londër vetëm të vrarë me thika janë 47.
Në Tiranë po jetojmë në kohën e sigurisë më të lartë. Se po ishe në gjumë, s’punon dot. ” tha Veliaj.
e.f/BalkanWeb