SHKODËR- Një tjetër dëshmi për ngjarjen e rëndë në Velipojë, ku një shpërthim ka ndodhur paraditen e sotme, duke lënë të plagosur disa persona.

Në një lidhje telefonike për News24, një dëshmitar ka rrëfyer momentin e parë kur kanë parë tym e flakë të dilte nga lokali “Cavaliero” në katin e parë të kompleksit “Fishta”. Në dëshminë e zbardhur nga “BalkanWeb” ai thotë se dyshohet dhe për viktima megjithëse zyrtarisht kjo gjë nuk pohohet.

“Pamë tym tek kompleksi Fishta. Nxituam të shikonim se çfarë po ndodhte, por nuk afroheshim dot. Kishte tym e flakë. Flitet se ka dhe viktima, dikush thotë se ka viktima. Lokali “Cavaliero” ku ndodhi shpërthimi ka një personel të madh rreth 20 persona. Pamë 4- 5 veta me djegie. Pastaj erdhi policia dhe na largoi për sigurinë. Ende e shohim. Zjarri është shuar por ka tym e lëvizje. Kati i parë është bare dhe dyqane ndërsa 4 të tjerat janë hotel”, tha dëshmitari, shkruan “BalkanWeb”.

(m.k/BalkanWeb)