Muzika e Rino Gaetanos është kolona zanore e triumfit të Giorgia Melonit. Liderja e “Vëllezërit e Italisë” (Fdi) është pritur me ovacione teksa mbërriti në skenën e ngritur në Hotel Parco dei Principi pas orën 23:00 kur u mbyllën edhe zyrtarisht qendrat e votimit në të gjithë vendin.
Ajo hyri nën ritmet e këngës më të famshme te kantautorit italian, “Qielli është gjithmonë më blu” dhe Meloni nuk nguroi as ti këndonte vargjet.
Ndërkohë, menjëherë më pas nisi kënga ‘A mano, a mano’, një tjetër sukses i madh nga Rino Gaetano.
Përqafime, përkëdhelje pas shpine dhe lot të shumtë emocioni për të pranishmit, të cilët përshëndetën kryetaren e Fdi me thirrjet në kor: “Giorgia, Giorgia”.
Liderja e Fdi-së ia ktheu dashurinë mbështetësve të saj duke tundur tabelën me fjalët “Faleminderit Itali”.
(BalkanWeb)