Një i ri boshnjak, i quajtur Jasim Osmanoviç është duke u konsideruar si një hero në Suedi, pasi ka arritur të shpëtojë një grua nga zjarri masiv në një banesë.

Sipas raportimeve, banesa në Gotenburg, u përfshi nga zjarri mbrëmjen e djeshme. Një grua, e quajtur Ikram Issa Mahamed, nuk arriti të dilte në kohë nga banesa, duke u bllokuar brenda.

Në këtë moment ka ndërhyrë i riu boshnjak, i cili me vështirësi ka arritur të futet në banesë dhe të shpëtojë gruan. Për këtë veprim, Jasmin, ka fituar simpatinë e mediave dhe qytetarëve suedezë.

“Unë isha duke hëngër akullore kur pashë ndërtesën duke u djegur. Vrapova atje dhe menjëherë thirra shërbimet e shpëtimit. Ndihem pak krenar”, tha Osmanoviç, i cili gjithashtu njihet në këtë pjesë të Gotenburgut me pseudonimin “Miki”.

(BalkanWeb)