Juan Sebastian Veron është rikthyer të luajë futboll profesionist pasi firmosi një kontratë me Estudiantesin në Argjentinë ku pranoi për të luajtur pa pagesë.
Mesfushori 41-vjeçar ka luajtur për Manchester United për dy vite nga sezoni 2001-2003 përpara se t’i bashkohej Chelsea-s në verë të po atij sezoni, menjëherë pasi klubin e bleu Abramoviç.
Tani, dy vite pas tërheqjes, 41 vjeçari është kthyer për të luajtur futboll, raporton “the sun”.
Veron ka firmosur një marrëveshje me klubin e tij të parë pas rikthimit që do ta mbajë të lidhur për 18-të muaj, që është dhe klubi i fundit ku ai luajti përpara se të tërhiqej në 2014-ën, Estudiantes.
Klubi nga Argjentina ka publikuar lajmin në faqen e tyre në internet, dhe gjithashtu kanë thënë se paga e tij do të përdoret si donacion për të promovuar aktivitetet dhe disiplinat e klubit.
Ndeshja e fundit profesionale që ka zhvilluar ka qenë në 2014-ën me Estudiantes, por ka qenë i aktivizuar si amator në klubin e Estrella de Berisso këtë vit.
Një moment që ai ndoshta mbahet mend më së miri në futbollin Anglez është kur ai debutoi me Chelsea-n në 2003-in, duke shënuar një gol që do ti siguronte bluve të Londrës fitoren e parë 2-1 në kampionat kundër Liverpulit.
Israel Damonte, një lojtar i Estudiantes foli gjatë muaj të fundit rreth kësaj çështje duke u shprehur: “Veron na ka treguar se dëshiron të kthehet, që nga janari ai do të rikthehet si lojtar. Pastaj ai mund të luaj si në kampionat ashtu edhe për Kupën e Libertadores”.
Tani, 41-vjeçari ka nderuar premtimin e tij.
(e.k/BalkanWeb)